Litluskógar 13

Mjög flott fjögurra herbergja íbúð í parhúsi á einni hæð ásamt frístandandi bílskúr og geymslu. Húsið er í góðu ástandi og lítur í alla staði vel út. Garður er fallegur og vel hirtur, bílastæði er malbikað, aðkoma að húsi er hellulögð og timburverönd með skjólveggjum er í bakgarði.
Flísar eru í forstofu og þar er bæði fataskápur og hengi. Stofa og eldhús eru í opnu rými með parket á gólfi og útgengt er úr stofu á timburverönd í bakgarði. Baðherbergi er flísalagt, þar er sturta, fín innrétting og handklæðaofn. Hiti er í gólfi á baðherbergi, eldhúsi og forstofu. Þvottahús er einnig flísalagt. Þrjú rúmgóð svefnherbergi eru í íbúðinni, öll með parketi og fataskápum. Bílskúr er flísalagður, þar er bílhurð með sjálfvirkum opnara, ágætt milliloft og rúmgóð innrétting. Salerni er í bílskúr. Bak við bílskúr er geymsla með steyptri plötu. Hitalagnir (ótengdar) eru í gólfplötu.
Hér er um að ræða virkilega vel skipulagða og fallega eign á góðum stað við Litluskóga á Egilsstöðum.